If you can't read Sinhala, get the fonts from here

Friday 9 November 2012

ප්‍රස්ථාව පිරුළු (Prastha Pirulu)

පහුගිය දවසක මට වුණ අපහසුතාවයක් හින්දා හිතුනා මේ post එක දාන්න.
මට අවශ්‍ය වුණා සිංහල ප්‍රස්ථා පිරුළු ටිකක් හොයා ගන්න. ඒත් අන්තර්ජාලයේ එක තැනක එහෙම ගොඩක් තියෙන තැන් හරිම අඩුයි. ඉතිං මම හිතුවා නිතර අහන්න ලැබෙන ප්‍රස්ථා පිරැළු ටිකක් මේ විදියට දාන්න.

1. අටුව කඩා පුටුව සෑදුවා වාගේ.
2. පිරුණු කළේ දිය නොසැලේ.
3. වක්කඩේ හකුරු හැංගුවා වාගේ.
4. ගමරාළ දිව‍්‍ය ලෝකේ ගියා වගේ.
5. ගමරාළගේ වංගෙඩිය වා‍ගේ.
6. අබරා (අබරං) සිල් ගත්තා වා‍ගේ. (ගමරාළ සිල් ගත්තා වාගේ.)
7. ආඬි හත්‍ දෙනාගේ කැද හැලිය ‍වාගේ.
8. පනින රිලවුන්ට ඉනිමං බදින්නා වා‍‍ගේ.
9. කපන්න බැරි අත ඉඹිනවා වාගේ.
10. නටන්න බැරි මිනිහා පො‍ළව ඇදයි කිව්වා වාගේ.
11. ගහෙන් වැටුන මිනිහට ගොනා ඇන්නා වාගේ.
12. වත්ත බද්දට දී ඇස්සට දත නියවනවා වාගේ.
13. වැටත් නියරත් ගොයම් කා නම් කාට පවසම් ඒ අමාරුව.
14. ලූලා නැති ව‍ලට කනයා පණ්ඩිතයා.
15. හිත ඇත්නම් පත කුඩාද.
16. හිඟන්නාගේ පාත්තරේට හෙනහුරා ‍වැටුනා වා‍ගේ.
17. හිඟන්නාගේ තුවාලය වාගේ.
18. කම්මලේ ඉන්න බල්ලා වාගේ.
19. බුරන බල්ලා හපා නොකයි.
20. බල්ලට ඇති වැඩකුත් නෑ හිමින් ගමනකුත් නෑ.
21. බල්ලා පිඳුරු කන්නෙත් නෑ, කන ගොනාට දෙන්නෙත් නෑ.
22. බල්ලෙක් බිරුවට කන්දක් පාත් වේද?
23. ගලේ පහරපු බළලා වාගේ.
24. දී කිරට බළල්ලුත් සාක්කිලු.
25. බළලුන් ලවා කොස් ඇට බාවනවා වාගේ.
26. වඳින්න ගිය දේවාලේ ඉහේ කඩා වැටුනා වාගේ.
27. පනින්න පෙර සිතා බලනු.
28. ඌරන් කැකුණ තලනකොට හබන් කුකුළන්ට ජය මඟුල්.
29. හැමදාම දකින කුකුළගේ කරමලේ සුදු වුණා වාගේ.
30. උඩ පැන්නොත් බිම වැටේ.
31. ඇඟිල්ලේ තරමට ඉඳිමෙන්න.
32. ගඟට කැපුව ඉනි වගේ.
33. කළුවා මාරපන ගියා වගේ.
34. උගුරට හොරා බෙහෙත් බොනවා (කනවා) වාගේ.
35. හොරාගෙ අම්මගෙන් පේන අහන‍වා වාගේ.
36. දිළිසෙන සියල්ල රත්තරං නොවේ.
37. අතීසාරෙට අමුඩෙ ගැහුවා වාගේ.
38. කබලෙන් ලිපට වැටුනා වාගේ.
39. කිඹුලා කන එක ඉවසන්න පුළුවන්, කොහිල කටු ඇනෙන එක තමයි ඉවසන්න බැරි.
40. ගිලීමලෙත් ඇත දත සුද්දෝ.
41. විෂ්ණු දෙයියෝ බටකොළ කෑවා වාගේ.
42. ඉහේ ඇම්මට කොට්ටෙ මාරුකලා වාගේ.
43. පරංගියා කෝ‍ට්ටේ ගියා වාගේ.
44. ඉඟුරු දීලා මිරිස් ගත්තා වාගේ.
45. අන්දරේ සීනි කෑවා වාගේ.
46. ඉත්තෑවාගේ ගෙට කබල්ලෑවා රිංගුවා වාගේ.
47. ඉස්සරින් ආපු කනට වඩා පස්සේ ආපු අඟ ලොකු වුනා වාගේ.
48. නටපු නැටුමකුත් නෑ, බෙරේ පළුවකුත් නෑ.
49. කන්න හිතුනම කබරගොයත් තලගොයා වෙනවලු.
50. උණහපුළුවාට උගේ පැටියා මැණිකක්ලු.
51. මුහුද හත් ගව්වක් තියා අමුඩ ගහන‍වා ව‍ාගේ.
52. කොකාට වාරයක් නම් තිත්තයාටත් වාරයක් එනවලු.
53. කොකා බක තපස් රැක්කා වාගේ.
54. කන කොකාගේ සුද පේන්නේ ඉගිලෙනකොටලු.
55. ඉබ්බා අහසින් ගියා වාගේ.
56. ඉබ්බා දියේ දැම්මා වාගේ.
57. පෙරලෙන ගලේ පාසි නොබැදේ.
58. ගල හොඳනම් අඹරන කහ මක් වේද?
59. කතාව දෝලාවෙන් ගමන පයින්.
60. කොහොඹ ගහට කරවිල වැල ගියා ව‍ගේ.
61. කටුස්සාගේ කරේ රත්තරං බැන්දා වාගේ.
62. මරණ තුනක් ඇති මිනිහෙක් පැණි කෑවා වාගේ.
63. මඩ සෝදා ගත් කළ ගොවියා රජකමටත් සුදුසුය.;
64. කැකිල්ලේ රජ්ජුරුවන්ගේ නඩු තීන්දුව වගේ.
65. හැදෙන ගහ දෙපෙත්තෙන් දැනේ.
66. අඬන්න ඉන්න මිනිහට ඇඟිල්ලෙන් අනින්නා වාගේ.
67. උරුලෑවා ගිය පාර වගේ.
68. අබුද්දස්ස කාලේ ලබුත් තිත්තයිලු.
69. අ‍‍ඟේ ඉඳං කන කන‍වා වාගේ.
70. ගිනිපෙනෙල්ලෙන් බැට කාපු එකා කණාමැදිරි එළියටත් බයයිලු.
71. වෙහෙර ගිලපු එවුන්ට අග්ගලා කජ්ජක්ද?
72. කන කැස්බෑවා විය සිදුරෙන් අහස බලන්නා වාගේ.
73. පුහුල් හොරා කරෙන් දැනේ.
74. ගලෙන් පට්ට ගන්නවා වාගේ.
75. දත් නැති දා උක් දඬු ගිනි තපින්නද?
76. ලැජ්ජා නැතිකම මහමුදලි කමටත් වඩා ලොකුයිලු.
77. ඇටි කෙහෙල් කාපු උගුඩුවා වාගේ.
78. ඉබ්බාගෙන් පිහාටු ඉල්ලනවා වාගේ.
79. පල නොකියා පලා බෙදන්නා වාගේ.
80. ගහ දන්න මිනිහට කොළ කඩා පාන්නා වාගේ.
81. නංගි පෙන්නලා අක්කා දෙනවා වාගේ.
82. ගහේ කටු උල් කරන්න ඕන ද?
83. දාහට අරං සීයට දුන්නා වාගේ.
84. ඇතා වැහැරුනත් කොරහේ නාවන්නට බැරුවා වාගේ.
85. අත්හැරෙන දීගේ හෙවනැල්ලත් ඇදයිලු.
86. අබ කෑ මිනිහගේ මොළේ දනවා වාගේ.
87. අතු කඩා මොර කන්නා වාගේ.
88. අනුන්ගේ පහනින් එළිය බලනවා වාගේ.
89. පෙරහැරේ යන අලි කොට අදින්නේ නැතුවා වාගේ.
90. යුද්දෙට නැති කඩුව කොස් කොටන්නද?
91. වඩුවගේ ගෙදර පුටුව නෑ වාගේ.
92. උණු හින්දා බොන්නත් බෑ, කිරි හින්දා හලලත් බෑ.
93. එළිපත්ත උඩ ඉන්න බළලා වාගේ.
94. රයිගමයයි, ගම්පලයයි වාගේ.
95. වන්සේ කබල් ගාන්නා වාගේ.
96. ඌරගේ මාළු ඌරගේ ඇගේම තියලා කපනවා වාගේ.
97. කිතුලට ගිය එකාටත් කියන්න දේවල් තිබුනලු.
98. බල්ලගේ වැඩේ බූරුවා කරන්න ගියා වාගේ.
99. අන්ධයෝ අලියාගේ හැඩ කිව්වා වාගේ.
100. ලිදෙන් වතුර බීලා මුහදට ආවඩන්නා වාගේ.

දැනට ඔය ඇති. වෙලාව තියෙනවනම් මේ තැන් වලටත් ගිහිල්ල බලන්න.

http://www.pirulu.com/
http://www.sathutuuyana.lk/General knowledge.html

53 comments:

Unknown said...

Thank you , Good Job, Thawath puluwan nam eka eka piruluwala kathawath ketiyen danna.

Unknown said...

Thank you , Good Job, Thawath puluwan nam eka eka piruluwala kathawath ketiyen danna.

prasad said...

ewage theruma ekka danna puluwannam godak watinawa neda... thankxx

Unknown said...

Therum ekka damma nam watinawa!!habai mekath watinawa

Fr.Titus Rodrigo said...

Very beautiful literary work. Still more valuable if the story behind the prula also can be conveyed (at least the ones that can be found)
Fr.Titus Rodrigo (Sri Lanka) email: bk542003@yahoo.com

Unknown said...

පුංචි අම්මාත් අැවිත්........පුංචි කලා වගේ. Meke histhenata ena wachane kiyannako

Unknown said...

Ovage therum tikath thibunanm hoday

Breaking News @ Sri Lanka said...

Elama thanks

Unknown said...

Thank you very much.☺

Unknown said...

Thanks so much, very helpful

Unknown said...

ඉවසනු දනා රුපූ යුධයට ජය කොඩිය... එහෙම එකක් තියෙනවද? එහි තේරුම?

Unknown said...

Thank you very much

Unknown said...

Me thika therumath danna

Unknown said...

අතු කඩා මොර කන්නා වගේ කියන්නෙ මොනවාද ?pls meaning

Unknown said...

Thank you very much

Unknown said...

Thank you very much

Unknown said...

Kawm

Unknown said...

නැවත ප්‍රයෝජනයක් ගත නොහැකි ලෙස භාවිතා කිරිම

Unknown said...

ඇල් වතුරට උල් පිහියෙන් ඇන්නා වගේ
හොරු කඩපු ලාච්චුව වගේ

Unknown said...

Thank you it was really helpful

Unknown said...

Good job.

Unknown said...

Thanx

Unknown said...

Thanks

Unknown said...

Thanks

Unknown said...

ආඩි යන්නෙහි තේරැම කුමක්ද

Anonymous said...

ආඩි යනුවෙන් හැදින්වෙන්නේ ශිව දෙවියන් ඇදහූ මිනිස් කොට්ඨාසයක්/ ගෝත්‍රයක් යැයි ඇතැම් පොත් වල සඳහන් වේ

Unknown said...

That true

Unknown said...

Katussage kare raththaran benda wage kiyna eke theruma mokkda

Anonymous said...

Therumath thibba nam godak hoda..kamak ne Thanks 💕 Godak prayojanawath una

donald said...

තැලෙන යකඩ දැක්කම ආචාරියා උඩ පැන පැන තළනවලු එම කතන්දර එවන්න ලොකු උදව්වක්

Unknown said...

Kapanna beri atha ibinawa babe

Unknown said...

Wow amaxing its too helping

Unknown said...

Awful

Unknown said...

Its too boring

Unknown said...

Hodai

Unknown said...

විසල් තරමට ..........................
යන ප්‍රස්ථාව පිරුළේ ඉතිරි කොටස කුමක්ද?

Unknown said...

Thanks

Unknown said...

Ehm Dnwnm Hdai

randi said...

මටත් ඒ කතාව ඕනි

Unknown said...

ඔව් මටත් ඕනේ

Unknown said...

තැලෙන යකඩෙ දැක්කාම ආචාරියා උඩ පැන පැන තළනවාලු

Unknown said...

තැළෙන යකඩෙ දැක්කම ආචාරියා උඩ පැන පැන තළනවලු කියන එකේ තේරුම මොකද්ද

Anonymous said...

Yes

Anonymous said...

ඔව් ඒක නැහැනේ

Anonymous said...

එකෙ තේරුම?

Anonymous said...

Age le wathura una wage kiyana eke theruma

Anonymous said...

"නිතරම කියවන්නා නූගත්" මේ වගේ අර්ථයක් තියෙන ප්‍රස්තාව පිරුලක් දන්නවද?

Anonymous said...

"දියකාවාගෙ........." මේ ප්‍රස්ථාව පිරුලේ ඉතුරු ටික දන්නවාද.?

Anonymous said...

Thanks for pars thava pirulu

Anonymous said...

පාසලේ පාඩම් වලට ගොඩක් උදවු වුනා. ස්තුතියි දෙවි පිහිටයි!

Anonymous said...

Thanks

Anonymous said...

තැලෙන දැක්කම ආචාර්ය උඩ පැන පැන නටනවලු ඒකෙ තේරුම මොකද්ද

Anonymous said...